Hovudprosjekt i 2025: Migrasjonsminne

Utvandringsjubiléet "Crossings 200" er ein av to store markeringar i år: Den 4. juli var det to hundre år sidan den 16 meter lange sluppen "Restaurationen" la ut frå Stavanger - og dermed var den organiserte utvandringa frå Noreg i gang.  Det store minnesamlingsprosjektet "Migrasjonsminne" har gjennom året bygd eit immaterielt kulturminne av personlege og slektshistoriske forteljingar om korleis migrasjonshistoria har påvirka norsk historie på mikronivå.  Prosjektet er eit samarbeid mellom Memoar, Landslaget for lokalhistorie, Slekt og data, Tamil Diaspora Arkiv og Rådet for mangfold og integrering. Grunnfinansieringa kjem frå Sparebankstiftelsen DNB. 

Memoarkonferansen 20-21.mars 2026 

Hovedtema for neste Memoarkonferanse blir munnleg historie om migrasjon. Programmeringa av konferansen er i full gang. For fyrste gong blir konferansen arrangert utanfor Bergen - ny samarbeidspartnar blir Deichman Tøyen i Oslo. Sjå meir - og fylgj programmeringsarbeidet på www.memoarkonferansen.no 

Utviklinga av prosjekt Migrasjonsminne har vore svært interessant både som bygging av eit immaterielt kulturminne og som eit skritt på vegen til ei sterkare "institusjonalisering" av munnleg historie i Noreg.  Siste fase av prosjektet handlar i stor grad om å avlevere innsamla materiale til langtidsarkivering, tilgjengeleggjering gjennom LokalhistorieWiki og initiativ til bruk av materrialet. Dette blir også ein del av konferansen.